Drama love: Khmer News

Showing posts with label Khmer News. Show all posts

Bayern សងសឹក PSG បានសម្រេចមុនឡើងទៅវគ្គ១៦ក្រុម

កាលពីជើងទីមួយក្រុមជើងខ្លាំងមកពី Bundesligaបានចាញ់ PSG ៣ទល់នឹង០ នៅទីក្រុងប៉ារីសយ៉ាងគួរឲ្យភ្ញាក់ផ្អើលរហូតដល់មានការបណ្ដេញអ្នកចាត់ការទូទៅលោក Carlos Ancelotti ចេញពីតំណែង។

យ៉ាងណាកាលពីយប់មិញ Robert Lewandowski ស៊ុតបាន១គ្រាប់នៅនាទី ទី៨ ហើយ Corentin Tolisso រកបាន២គ្រាប់ម្នាក់ឯងនៅនាទី ៣៧ និង៦៩ជួយ Bayern Munich យកឈ្នះបានវិញ។ ១គ្រាប់របស់ PSG ធ្វើបានដោយខ្សែប្រយុទ្ធវ័យក្មេង Kylian Mbappe នៅនាទី៥០។

ទោះជាបរាជ័យមែនប៉ុន្តែក្រុមអ្នកមានបារាំង PSG នៅតែឈរកំពូលតារាងពូលB មានពិន្ទុស្មើគ្នាជាមួយ Bayern ប៉ុន្តែខ្លួនចំណេញ១គ្រាប់លើរូបមន្ត Head to head (គិតលើលទ្ធផលប៉ះគ្នាទាំង២ជើង)៕

ភ្ជាប់ទំនាក់ទំនងជាមួយ Sabay News Sport

បើជ្រុលបែកគ្នាជាមួយសង្សារហើយ កុំព្យាយាមចង់ធ្វើមិត្តវិញឲ្យសោះ

0 Comment

ហេតុតែមិនទាន់ដាច់អាល័យ គូស្នេហ៍មួយចំនួនសុខចិត្តប្រើពាក្យថា «ធ្វើជាមិត្ត» ជំនួសឱ្យភាពគ្រាំចិត្តក្រោយពេលបែកគ្នា។ អ្នកខ្លះគិតថាវាជាជម្រើសត្រឹមត្រូវ ព្រោះគេមិនចង់បាត់បង់ទាំងស្នេហា ហើយបាត់បង់ទាំងមិត្តភាពក្នុងពេលជាមួយគ្នាទៀតនោះទេ។ ប៉ុន្តែអ្នកខ្លះវិញ មិនអាចទទួលយកជម្រើសនេះបានដោយសារតែហេតុផលមួយចំនួនខាងក្រោមនេះ៖

១. ចង់ធ្វើចិត្តឲ្យដាច់៖ គូស្នេហ៍ខ្លះទោះជាអស់ចិត្តស្រឡាញ់ទៅហើយក្តី ប៉ុន្តែក៏នៅតែមានមនោសញ្ចេតនាខ្លាចមើលមុខគ្នាមិនត្រង់ដែរ។ ដូច្នេះដើម្បីឱ្យឲ្យរឿងឆាប់ចប់ គឺមានតែឈប់ទាក់ទងគ្នាតែម្តង ទើបគ្រប់យ៉ាងមិនស៊ាំញ៉ាំ។
២. អាចធ្វើឲ្យដៃគូមានសង្ឃឹម៖ ការបែកគ្នាមិនប្រាកដថាទាល់តែអស់ចិត្តទាំងសងខាងទើបអាចបែកបាននោះទេ បើភាគីណាម្នាក់អស់ចិត្តគឺអាចបែកបានគ្រប់ពេល។ អ៊ីចឹងក្រោយពេលបែក គួរតែកុំរាប់គ្នាអីល្អជាងព្រោះវាអាចធ្វើអ្នកដែលមិនទាន់អស់ចិត្តនៅតែបន្តមានសង្ឃឹម។
៣. មានអារម្មណ៍ទើសទាល់៖ សាកស្រមៃមើលទៅ បើអ្នកគ្មានអារម្មណ៍ទើសទាល់បែបនោះទេ ម្ល៉េះសមអ្នកទាំងពីរនឹងត្រូវគ្នា ហើយស្រឡាញ់គ្នាម្តងទៀតបានហើយ។
៤. ពិបាកប្រឈមជាមួយមិត្តភក្តិ៖ សំណួរជុំទិសជាច្រើនពីមិត្តភក្តិនឹងលេចឡើង ប្រសិនបើអ្នកសុខចិត្តធ្វើមិត្តជាមួយសង្សារចាស់វិញ។ អ្នកក៏អាចទទួលរងការវាយតម្លៃចំពោះស្នេហាថ្មីនៅថ្ងៃក្រោយផងដែរ៕

ប្រភព៖ Kanha ប្រែសម្រួល៖ fbgoo.co

ស្នេហាស្មោះនៅតែមានលើផែនដីនេះ! ទោះបីជាភរិយាមានជំងឺភ្លេចភ្លាំងក៏ពិតមែន តែលោកតាម្នាក់នេះ នៅតែសរសើរនាង ហើយតាមមើលថែនាងរហូត

0 Comment

កូរ៉េខាងត្បូង៖ លោកតាវ័យចំណាស់ជនជាតិកូរ៉េម្នាក់បានធ្វើឲ្យមនុស្សម្នាគ្រប់គ្នាមានការកោតសរសើរខ្លាំងចំពោះភក្តីភាពដែលរូបលោកបានផ្តល់ជូនចំពោះភរិយា ដោយការពេញចិត្តក្នុងការមើលថែនាងប្រកបដោយក្តីស្រលាញ់ ទោះបីជានាងមានជំងឺភ្លេចភ្លាំងមិនចងចាំ រូបគាត់គឺជាស្វាមីរបស់នាងក៏ដោយ។ ជារៀងរាល់ថ្ងៃ លោកតាតែងតែព្យាយាមនៅក្បែរលោកយាយ ដោយបង្ហាញឲ្យលោកយាយបានឃើញអំពីក្តីស្រលាញ់របស់គាត់ចំពោះលោកយាយ ហើយលោកតាថែមទាំងនិយាយសុំអង្វរករលោកយាយថាកុំឲ្យភ្លេចរូបគាត់ថែមទៀតផង។

អស់រយៈពេលជាង ៦៥ឆ្នាំមកនេះ លោកតាមិនដែលភ្លេចសរសើរអំពីភាពស្រស់ស្អាតរបស់ភរិយាខ្លួនឡើយ ហើយលោកតាថែមទាំងរម្លឹកថា ភរិយារបស់ខ្លួនគឺស្រស់ស្អាតគ្រប់ពេលវេលា គ្មានអ្វីអាចជំនួសនាងបានឡើយ។ មិនត្រឹមតែប៉ុណ្ណោះ លោកតាក៏បានបន្ថែមទៀតថា សម្លេងផោម និងសម្លេងភើរបស់លោកយាយ វាក្លាយទៅជាសម្លេងដ៏ពិរោះរណ្តំសម្រាប់លោកតាទៅហើយ។

អ្វីដែលកាន់តែសរសើរថែមទៀតនោះគឺ បើទោះបីជាលោកយាយមានជំងឺភ្លេចភ្លាំងបែបនេះក្តី តែលោកតានៅតែមិនខ្មាសក្នុងការកាន់ដៃបណ្តើរលោកយាយនៅតាមទីសាធារណៈយ៉ាងផ្អែមល្ហែមនោះទេ។ ម្យ៉ាងវិញទៀត ទោះបីជាពេលធ្វើកិច្ចការលំបាកយ៉ាងណាក៏ដោយ ក៏ក្រសែភ្នែករបស់លោកតានៅតែមើលមកកាន់លោកយាយពោរពេញទៅដោយក្តីស្រលាញ់យ៉ាងស្រស់បំព្រង និងពេញចិត្តជាទីបំផុត។

ដោយសារតែទង្វើដែលលោកតាបានធ្វើចំពោះលោកយាយបែបនេះហើយ ទើបមនុស្សគ្រប់គ្នាដែលមានឃើញអំពីសកម្មភាពរបស់គាត់ បានដាក់ឈ្មោះឲ្យគាត់ថា «ស្នេហាស្មោះនៅតែមាននៅលើផែនដីនេះ»៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល news@khmerload.com (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

កូនភ្លោះស្រី របស់ស្រីលាភ ទើបតែកើតសោះ មានខ្ទង់ច្រមុះស្រួចប៉ុណ្ណឹងទៅហើយ!

0 Comment

ភ្នំពេញ៖ ដូចជាប្រិយមិត្តបានដឹងរួចមកហើយ ពីតារាកំប្លែង ស្រីលាភ ដែលបានសម្រាលកូនភ្លោះស្រីតែម្តង កាលពីប៉ុន្មានថ្ងៃមុននេះ។ ជាពិសេស នាយក្រឹម ក៏នៅក្បែរ និងមើលថែ ស្រីលាភ យ៉ាងស្អិត ជាមួយនឹងទឹកមុខ សប្បាយរីករាយជាពន់ពេក។ ប៉ុន្តែក្នុងនោះដែរ ក៏មានមនុស្សជាច្រើន ពិតជាចង់មើលមុខ កូនស្រីទាំង២របស់នាង ខ្លាំងណាស់ ថាមានមុខមាត់បែបណាដែរ តើដូចជា ស្រីលាភ ឬកាត់តាមស្វាមី។ កាលពីយប់មិញ ស្រីលាភ បានដាច់ចិត្តបង្ហោះកូនរបស់នាង តែមួយសន្លឹកប៉ុណ្ណោះ ដែលបង្ហាញពីមុខមាត់កាន់តែច្បាស់ របស់ទារិកាទាំង២។ មិនបានប៉ុន្មានផង ក៏មានមតិជាច្រើន បានពោលពាក្យថា កូនរបស់នាង ទើបតែកើតបាន ប៉ុន្មានថ្ងៃសោះ ឃើញខ្ទង់ច្រមុះ ប៉ុណ្ណឹងទៅហើយ ដែលមើលទៅ ស្រួចនិងខ្ពស់ តែម្តង៕

ប្រញាប់រៀបការនៅវ័យក្មេងពេក នឹងអាចជួបវិបត្តិ៧យ៉ាង

0 Comment

គូស្នេហ៍មួយចំនួនចង់រៀបការភ្លាមៗបន្ទាប់ពីស្គាល់គ្នាមិនបានប៉ុន្មាន ដោយយល់ថាការចងចំណងអាពាហ៍ពិពាហ៍គឺជារឿងសំខាន់ដើម្បីពង្រឹងទំនាក់ទំនងស្នេហារបស់ពួកគេ និងគិតថាការចាប់ផ្ដើមជីវិតគ្រួសារលឿន នឹងជួយឲ្យពួកគេឈានដល់ជីវិតឯករាជ្យលឿនដូចគ្នា។ ទោះបីជាការរៀបការនៅវ័យក្មេងមានគុណសម្បត្តិមួយចំនួន តែវាក៏មានបញ្ហាជាច្រើនដែលនឹងត្រូវប្រឈមមុខដូចជា៖

១.ទំនួលខុសត្រូវក្នុងវ័យក្មេង៖ ជីវិតប្ដីប្រពន្ធ មិនមែនមានតែពេលផ្អែមល្ហែម សប្បាយៗដូចជីវិតជាសង្សារឡើយ។ ពួកគេត្រូវមើលថែគ្រួសារ ទុកដាក់ផ្ទះសំបែង បីបាច់កូនចៅដោយខ្លួនឯង។ ដូច្នេះហើយបើជីវិតពួកគេមិនទាន់មានលំនឹង និងមិនរឹងមាំគ្រប់គ្រាន់វានឹងក្លាយជាបញ្ហាធំ។ ២.បាត់បង់អ្វីដែលជាភាពរីករាយរបស់យុវវ័យ៖ ភាពច្របូកច្របល់នៃជីវិតអាពាហ៍ពិពាហ៍នឹងចាប់ផ្ដើម ជីវិតយុវវ័យរបស់ពួកគេនឹងបាត់ទៅដំណាលគ្នាដែរ។ ៣.ការមានផ្ទៃពោះក្នុងវ័យក្មេង៖ មានកូននៅវ័យក្មេងពេកនឹងធ្វើឲ្យមានផលប៉ះពាល់ដល់សុខភាពស្ត្រីគ្រប់រូប ជាពិសេសបើស្ត្រីមិនទាន់អស់ការលូតលាស់នៅឡើយ ការមានផ្ទៃពោះនឹងងាយប្រឈមនឹងគ្រោះថ្នាក់។ ៤.ភាពប្រេះឆានៃជីវិតគូងាយកើតមានឡើង៖ ដោយសារពួកគេនៅចិត្តក្ដៅ មិនទាន់ចេះគិតគូរវែងឆ្ងាយ គូស្វាមីភរិយាវ័យក្មេងភាគច្រើនមិនមានទំនួលខុសត្រូវ ឬឈ្លោះប្រកែកគ្នារហូតមិនអាចទ្រាំនឹងគ្នាបាន។ ៥. ផលប៉ះពាល់ចំពោះការសិក្សា៖ ភាគច្រើន គូស្នេហ៍វ័យក្មេងមិនអាចបន្តការសិក្សាខ្ពស់បានទេព្រោះពួកគេត្រូវទទួលខុសត្រូវលើបញ្ហាហិរញ្ញវត្ថុគ្រួសារ។ ៦.ឱកាសការងារតិចតួច៖ ដោយសារតែការអប់រំរបស់ពួកគេមានកម្រិតពួកគេមិនអាចទទួលបានការងារដែលមានប្រាក់ខែខ្ពស់នោះទេ។ ៧.ជួបការលំបាកក្នុងការចិញ្ចឹមកូន៖ ចំណេះដឹងរបស់ពួកគេអំពីការថែទាំកូនអាចមានកម្រិត ព្រមទាំងមិនមានការណែនាំគ្រប់គ្រាន់ពីមាតាបិតា ដូច្នេះពួកគេមិនអាចមើលថែកូនបានល្អទេ។ ការរៀបអាពាហ៍ពិពាហ៍ឆាប់ពេក មើលទៅរ៉ូមែនទិច និងងាយស្រួលប៉ុន្តែវាមានបញ្ហាប្រឈមជាច្រើនផងដែរ។ ដូច្នេះគូស្វាមីភរិយាត្រូវការរយៈពេលស្គាល់គ្នាឲ្យបានច្បាស់សិនមុនសម្រេចចិត្តរៀបការជាមួយគ្នា។ ការប្រញាប់ប្រញាល់ឈានជើងចូលក្នុងអាពាហ៍ពិពាហ៍មួយដែលនឹងត្រូវបញ្ចប់ទៅវិញរហ័ស ពុំមែនជារឿងត្រឹមត្រូវដែលគួរធ្វើនោះទេ ៕

ទម្លាប់អាក្រក់ទាំង ៦ ដែលធ្វើឱ្យអ្នកមានជំងឺផ្លូវចិត្ត

0 Comment

ជំងឺផ្លូវចិត្តមិនអាចវិនិច្ឆ័យបានត្រឹមតែសំបកក្រៅទេ ហើយគ្រប់គ្នាចេះតែគិតថាឱ្យតែបញ្ឈប់ការតានតឹងនិងស្មុគស្មាញច្រើន នោះពួកគេអាចគេចផុតពីជំងឺផ្លូវចិត្តហើយ។ ធាតុពិត ជំងឺផ្លូវចិត្តនៅតែមានភាគរយអាចកើតឡើងបានដដែល ប្រសិនបើអ្នកតែងតែអនុវត្តទម្លាប់ទាំងប៉ុន្មានខាងក្រោមនេះ៖
១. ដើរដូចខ្ជិលៗ៖ ការដែលអ្នកមានឥរិយាបថបែបនេះ បញ្ជាក់ថាអ្នកកំពុងស្ថិតក្នុងភាពតានតឹងហើយ ដូច្នេះបើមិនព្យាយាមពត់ខ្លួនឯងឱ្យមានដំណើរស្វាហាប់ឡើងវិញទេ វានឹងកាន់តែធ្វើឱ្យអ្នកមានអារម្មណ៍ស្មុគស្មាញថែមទៀត។
២. មិនហាត់ប្រាណ៖ គ្មាននរណាម្នាក់រស់នៅក្នុងភាពរីករាយរហូតទេច្បាស់ជាមានបញ្ហាត្រូវដោះស្រាយជាប្រចាំហើយ ទន្ទឹមនឹងនេះមានតែការបញ្ចេញកម្លាំងហាត់ប្រាណទេទើបអាចកាត់បន្ថយភាពតានតឹងរបស់អ្នកបាន។

៣. ទម្លាប់ពន្យារពេល៖ វាជាហេតុផលដែលធ្វើឱ្យអ្នកខ្ជិលច្រអូស ហើយទម្លាប់នៃការខ្ជិលនេះក៏អាចធ្វើឱ្យអ្នកមានជំងឺផ្លូវចិត្តដែរ។
៤. ម៉ត់ចត់ពេក៖ នៅពេលដែលអ្នកព្យាយាមម៉ត់ចត់ពេក អ្នកមិនមានពេលវេលាគ្រប់គ្រាន់ដើម្បីភាពរីករាយនិងការសើចសប្បាយទេ។
៥. មិនបានគេងគ្រប់គ្រាន់៖ ប្រសិនបើគេងបានគ្រប់គ្រាន់ អារម្មណ៍របស់អ្នកនឹងស្ងប់ មិនងាយឆេវឆាវហើយស្មារតីក៏ប្រមូលផ្តុំបានល្អ។
៦. មិនសូវនិយាយជាមួយអ្នកដទៃ៖ ការនិយាយជាមួយអ្នកដទៃច្រើន ធ្វើឱ្យអារម្មណ៍អ្នកស្រស់ថ្លាព្រោះមិនចាំបាច់គិត និងធុញថប់តែម្នាក់ឯងទេ។ ម្យ៉ាងទៀតវាក៏ជួយពង្រីកការគិត តាមរយៈចំណេះដឹងថ្មីៗពីអ្នកដទៃផងដែរ៕

ប្រភព៖ Kanha ប្រែសម្រួល៖ fbgoo.co

ចង់ដឹងដែរទេ? ក្រោយបញ្ចប់ការប្រកួត UCL សប្ដាហ៍នេះ ក្រុមណាខ្លះហើយ ដែលឆ្លងទៅកាន់វគ្គ១៦ក្រុមចុងក្រោយ?

0 Comment

បរទេស៖ បន្ទាប់ពីបញ្ចប់ការប្រកួតសម្រាប់សប្ដាហ៍ទី៥ នៃក្របខណ្ឌ UEFA Champions League យើងឃើញថា មានក្រុមចំនួន៨ហើយ ដែលបានកក់កៅអីសម្រាប់វគ្គ១៦ក្រុមចុងក្រោយ ខណៈក្រុមមួយចំនួនទៀត នឹងត្រូវប្រកួតសម្រាប់សប្ដាហ៍ចុងក្រោយនេះ។ ពោលគឺ នៅសប្ដាហ៍ទី៦ ក្នុងវគ្គចែកពូលដើម្បីដឹងថា តើក្រុមចំនួន៨ណាទៀត ដែលអាចឡើងទៅកាន់វគ្គជាបន្ដ។ ក្រុមទាំង៨ ដែលបានកក់កៅអីវគ្គ១៦ក្រុមចុងក្រោយ ដោយស័្វយប្រវត្ដិនោះ រួមមានដូចជា៖ -Paris Saint-Germain -Bayern Munich -Chelsea -Barcelona -Manchester City -Besiktas -Tottenham Hotspur -Real Madrid សម្រាប់ក្រុមដែលត្រូវប្រជែងក្នុងការឡើងទៅកាន់វគ្គជាបន្ដមានដូចជា៖ -Manchester United -Basel -CSKA Moskav -Roma -At.Madrid -Juventus -Sporting -Liverpool -Sevilla -Spartak Moskva -Sharkhtar Donestsk -Napoli -Porto -Leipzig -Roma គួរឲ្យដឹងថា ការប្រកួតចុងក្រោយសម្រាប់វគ្គចែកពូល នៃពានរង្វាន់ដ៏ធំជាងគេក្នុងតំបន់អឺរ៉ុបនេះ នឹងត្រូវធើ្វឡើងនៅថៃ្ងទី៦ និងទី៧ ខែធ្នូ ខាងមុខនេះ៕

ក្រុមចំនួន៨ហើយ ដែលបានកក់កៅអីសម្រាប់វគ្គ១៦ក្រុមចុងក្រោយ

ក្រុមចំនួន៨ហើយ ដែលបានកក់កៅអីសម្រាប់វគ្គ១៦ក្រុមចុងក្រោយ បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល news@khmerload.com (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

មនុស្សប្រុសចង់បែក តែងតែមានលេសដ៏កំសត់ ៥ យ៉ាងនេះជានិច្

0 Comment

ពេលមនុស្សចាប់ផ្ដើមអស់ចិត្តគេក៏ចាប់ផ្ដើមមានលេសជាច្រើនមកដាក់មុខដែរ ហើយហេតុផលទាំងនោះសុទ្ធតែស្ដាប់មកគឺកំសត់ណាស់ ដូចគេបានលះបង់ស្នេហាគេអីចឹង។ហេតុផលទាំង ៥ ខាងក្រោមគឺជាលេសរបស់មនុស្សប្រុសមួយចំនួន មិនមែនទាំងអស់នោះទេដែលតែងតែប្រើ ពេលគេចង់បែកពីមនុស្សស្រី ៖
១. បងមិនសក្តិសមនឹងអូន គេតែងយកលេសថាគេមិនល្អគ្រប់គ្រាន់សម្រាប់យើង ហើយឲ្យយើងរកអ្នកណាដែលល្អជាងគេទៅ ទាំងការពិតខ្លួនឯងអ្នកចង់បែកសោះ តែចូលតួធ្វើដូចគេនឹងបុរសល្អណាស់អីចឹង។
២. បងចង់នៅម្នាក់ឯងមួយរយៈ ជឿអត់ថាមួយរយៈ? បើថារហូតប្រហែលជាល្អជាងពាក្យនេះ ព្រោះការពិតជាអស់អារម្មណ៍ទៅហើយគ្រាន់តែប្រាប់បែបហ្នឹងឲ្យយើងធូរចិត្តប៉ុណ្ណោះ។ ពេលដែលយើងទុកឲ្យគេនៅម្នាក់ឯងមិនបានប៉ុន្មានផង ប្រហែលគេបណ្ដើរអ្នកថ្មីក៏ថាបាន។

៣. បើទៅមុខទៀតកាន់តែឈឺចាប់ទាំងពីរនាក់ ការពិតអ្នកដែលឈឺគឺយើងទេ មិនមែនគេទេ តែគេនិយាយមកដូចស្រឡាញ់យើង មិនចង់ឲ្យយើងឈឺចាប់អីចឹង។ គេអ្នកមិនចង់ទៅមុខទៀតខ្លួនឯងសោះតែ ហេតុផលចេញមកដូចគេហ្នឹងមិនចង់បាត់បង់យើង តែត្រូវបង្ខំចិត្តដើរចេញ និយាយរួមសម្ដែងដូចរឿងភាគ។ ៤. បងចង់យកពេលគិតពីការងារ ឬក៏ការរៀនសូត្រ បើមែនវាពិតជាល្អណាស់ តែការពិតវាមិនមែន សុទ្ធតែយកលេសការងារ ការសិក្សាដាក់មុខទាំងដែលខ្លួនចង់បែកសោះ។ ការងារ ការសិក្សាអ្នកណាក៏មានដែរ តែគេនៅតែមានពេលសម្រាប់មនុស្សដែលគេស្រឡាញ់ សូម្បីតែគេមានកូនមានប្រពន្ធផងក៏គេនៅមានពេលសម្រាប់គ្រួសារគេ ចុះហេតុអីគ្រាន់តែចង់បែកសោះយកហេតុផលហ្នឹងមកធ្វើអី។ ៥. មានអ្នកណាល្អជាងបង យកគេទៅ ពេលខ្លះក៏ចង់សើចពេលឮហេតុផលនេះ គួរតែនិយាយថា «គេល្អជាងអូន បងយកគេហើយ» បានត្រូវ ចង់ទៅខ្លួនឯងទេតែនិយាយមកសុទ្ធឲ្យយើងទៅរកអ្នកណាល្អជាងគេ។ បើស្នេហាងាយស្រួលផ្លាស់ប្ដូរដល់ថ្នាក់ហ្នឹងប្រហែលគ្មានមនុស្សឈឺចាប់ទេ ក៏ដោយសារតែស្រឡាញ់អ្នកណាហើយគឺមិនងាយដកចិត្តទេ។ សុទ្ធតែជាហេតុផលដ៏គួរឲ្យអាណិតរបស់អ្នកដែលចង់បែក ទាំងការពិតអ្នកដែលគួរឲ្យអាណិតគឺអ្នកដែលនៅស្រឡាញ់គេតែឯងវិញទេ៕

អត្ថបទ៖ Kanha

បើខាងប្រុសគ្មានសញ្ញា ៤ យ៉ាងនេះហើយ មិនបាច់រង់ចាំគេទេ រកអ្នកថ្មីទៅល្អជាង

0 Comment

ទាក់ទងគ្នាមករាប់ឆ្នាំ តែបែជាភាគីខាងប្រុសមិនធ្លាប់បង្ហាញសញ្ញាថាចង់រៀបការជាមួយអ្នកសោះនោះ គួរតែមិនបាច់រងចាំទៀតទេ។ ព្រោះអាចនឹងចំណាយពេលឥតប្រយោជន៍ទៅលើបុរសម្នាក់នោះ ដោយគ្មានបានអីត្រឡប់មកវិញ។ សញ្ញាទាំងនោះមានដូចជា៖

១.មិនធ្លាប់បង្ហើបពីគម្រោងរៀបការ

បើទោះជាទាក់ទងគ្នាយូរហើយក៏ដោយ តែបើជាខាងប្រុសមិនធ្លាប់រំលឹកពីរឿងដឹកដៃគ្នាសាងអនាគតជាប្ដីប្រពន្ធ ហើយពេលខ្លះមានតែអ្នកជាស្រីទៅនិយាយមុនហើយគេបែរជារកលេសដោះសារមិនឈប់ទៅវិញ។ នោះបញ្ជាក់ថាគេដែលគិតថាចង់បានអ្នកជាភរិយាឡើយ បើទោះជាមានការងារល្អ ប្រាក់គ្រប់គ្រាន់ក្នុងដៃ ក៏គេមិនរៀបការដែរ។ បើបុរសគេចង់មែន ទោះមិនទាន់មានលទ្ធភាពរៀបចំពិធីមង្គលនេះ ក៏គេផែនការច្បាស់លាស់ និងយ៉ាងហោចណាស់ធ្លាប់ពោលពាក្យចង់រៀបការឲ្យមនុស្សស្រីឮដែរ។

២.បញ្ជារឲ្យខាងស្រីមិនឲ្យប្រាប់ទំនាក់ទំនងខ្លួនទៅអ្នកដទៃ

ជាសង្សារនឹងគ្នារាប់ឆ្នាំតែបែរជាមិនធ្លាប់បង្ហាញរូបភាពទៅដើរលេង ទៅញ៉ាំអី ឬទៅណាមកណាតែពីរនាក់ ព្រោះខ្លាចអ្នកដទៃដឹងថា ជាអ្វីនឹងគ្នា។ បែបនេះបញ្ជាក់យ៉ាងច្បាស់ថា មនុស្សប្រុសម្នាក់នោះគ្មានចិត្តចង់បានអ្នកជាគូអនាគតឡើយ ដោយសារតែអ្វីៗទាំងអស់ស្ថិតនៅជាអាថ៌កំបាំង។ ទំនាក់ទំនងបែបនេះ មានន័យអ្វីសម្រាប់មនុស្សស្រី បែរលាក់លៀមដោយគ្មានមូលហេតុអ៊ីចឹងនោះ។

៣.មិនធ្លាប់រំលឹកឲ្យគ្រួសារខាងគេដឹងពីអ្នកសូម្បីឈ្មោះ

មនុស្សប្រុសតែស្រលាញ់ស្រីណាម្នាក់ច្បាស់លាស់ និងប្រាកដប្រជាជាមួយ គេនឹងយករឿងនេះទៅប្រាប់ដល់គ្រួសារគេដែរ។ ត្រូវចាំថាពេលមានកម្មវិធីណាមួយក្នុងគ្រួសារដូចជារៀបការបងប្អូន បុណ្យទាន គេពិតជាបបួលមនុស្សស្រីដែលគេស្រលាញ់ទៅលេង ដើម្បីជាការបង្ហាញមុខ ទោះមិនសូវផ្លូវការក៏ដោយ។ តែបើមិនដែលហៅអ្នកទៅឲ្យស្គាល់ក្រុមគ្រួសារគេទេ ឬសូម្បីឈ្មោះក៏មិនធ្លាប់ប្រាប់ទៀត គួរតែឈប់ចាំគេទៅ ព្រោះប្រហែលគ្មានផ្លូវអ្នកបានក្លាយជាសមាជិកគ្រួសារគេទេ។

៤.សោះកក្រោះគ្រប់ពេលនៅជាមួយគ្នា

ឲ្យតែពេលនៅជាមួយអ្នក គេមិនដែលមានទឹកមុខរីករាយនោះទេ។ ចំណុចនេះបញ្ជាក់ថាខាងប្រិសគេមិនពេញចិត្តនឹងនៅក្បែរ តែគ្រាន់មិនហ៊ានហាមាត់បដិសេធប៉ុណ្ណោះ។ មនុស្សស្រីមិនមែនចង់បង្ខំឲ្យមនុស្សប្រុសញញឹម ឬសើចដាក់គ្រប់ពេលទេ តែចង់ឃើញទឹកមុខសប្បាយរីករាយដូចអ្នកមានស្នេហាដទៃទៀត មិនមែនមុខក្រញូវរហូតនោះឡើយ៕

អត្ថបទ៖ Kanha

Neymar៖ ទាល់តែខ្ញុំឈ្នះ Champions League និង World Cup សិនទើបរៀបការ

0 Comment

ខណៈក្រុមជម្រើសជាតិប្រេស៊ីលកក់សំបុត្រយន្តហោះទៅ World Cup ២០១៨ ហើយ Paris Saint-Germain កំពុងឈរលេខមួយក្នុងពូល នៅ Champions League ធ្វើឲ្យខ្សែប្រយុទ្ធ Neymar បង្ហាញគោលដៅចង់ឈ្នះពានធំៗទាំងពីរនេះ។

Neymar

តារាឆ្នើមសញ្ជាតិប្រេស៊ីលធ្លាប់ឈ្នះ Champions League ម្ដងកាលលេងនៅ Barcelona ហើយនៅក្រុមជម្រើសជាតិវិញរូបគេបានជួយឲ្យឈ្នះមេដាយមាសអូឡាំពិកនៅទឹកដីកំណើតរបស់ខ្លួន ប៉ុន្តែគ្រប់យ៉ាងនៅមិនទាន់គ្រប់គ្រាន់នៅឡើយទេសម្រាប់កីឡាករមានមហិច្ឆតាខ្ពស់ដូចជា Neymar។
ទោះជាជោគជ័យជាមួយអាជីពបាល់ទាត់ ក្នុងនាមជាកីឡាករថ្លៃខ្លួនខ្ពស់បំផុតលើលោក តែម្ចាស់អាវលេខ១០នៅ PSG មិនទាន់គិតគូររឿងផ្ទាល់ខ្លួននៅឡើយ។ Neymar មានកូនប្រុសម្នាក់ឈ្មោះ Davi Lucca និងមិត្តស្រីជាតារាម៉ូឌែលនាង Bruna Marquezine។ អ្នកទាំងពីរធ្លាប់ប្រកាសថាបែកគ្នាតែក្រោយមកត្រូវរ៉ូវគ្នាវិញកាលពីខែតុលា។

មិត្តស្រី Neymar និងកូនប្រុស

យ៉ាងណាកីឡាករវ័យ២៥ឆ្នាំមិនទាន់និយាយពីផែនការមង្គលការអ្វីទេ តែបានបង្ហើបក្នុងកិច្ចសម្ភាសន៍ជាមួយអ្នកសារព័ត៌មានថានឹងគិតដល់រឿងនោះក្រោយឈ្នះ Champions League និង World Cup។ "ខ្ញុំចង់ឈ្នះ UCL ជាមួយ Paris និង World Cup ជាមួយប្រេស៊ីលព្រោះវាជាក្ដីស្រមៃធំបំផុតក្នុងជីវិត។ បន្ទាប់មកតើនរណាអាចទាយទុកបាន ប្រហែលជាខ្ញុំត្រូវរៀបការ"។
Neymar ផ្ទេរពី Barcelona ទៅ Paris Saint-Germain ក្នុងតម្លៃ២២២លានអឺរ៉ូ។ បង្ហាញខ្លួនបាន១៣ប្រកួតរូបគេស៊ុតបញ្ចូលទីបាន១១គ្រាប់នៅក្លឹបដែលមានមូលដ្ឋានក្នុងទីក្រុងប៉ារីស៕

Neymar និងនាង Bruna Marquezine

Dortmund ត្រូវការឈ្នះ Spurs នៅយប់នេះ តែសង្ឃឹមតិចសម្រាប់វគ្គ១៦ក្រុម

0 Comment

ពានរង្វាន់ UEFA Champions League ប្រកួតទី៥វគ្គជម្រុះក្នុងពូលនឹងវិលមកវិញនៅយប់នេះ ខណៈក្រុមមួយចំនួនបានកក់កៅអីវគ្គ១៦ក្រុម ខ្លះទៀតប្រឹងប្រជែងយកកៅអី និងមានមួយចំនួនគ្រាន់តែលេងដើម្បីបង្គ្រប់កិច្ចប៉ុណ្ណោះពោលគឺបានធ្លាក់រួចទៅហើយ។

ក្រុមក្នុងពូល H ដែលប្រជុំដោយក្រុមខ្លាំងៗមាន Tottenham Hotspur បានកក់កៅអីទៅវគ្គ១៦ក្រុម ត្រូវប៉ះជាមួយ Dortmund ហើយលេខ២ Real Madrid ត្រូវប៉ះ APOEL Nicosia ដើម្បីធានាកៅអីនៅវគ្គបន្ត។ ពូលនេះ Dortmund ត្រូវការឈ្នះ Spursដាច់ខាត តែបើសិន Real Madrid ឈ្នះ APOEL ដែរនោះមានន័យថាពួកគេអស់ឱកាសហើយ។
លទ្ធភាពដែលក្រុមជើងខ្លាំងអាល្លឺម៉ង់អាចទៅវគ្គ១៦ក្រុមបានដរាបណា ក្រុមនេះត្រូវឈ្នះ២ប្រកួតដែលនៅសល់ហើយ Real Madrid ចាញ់ទាំងពីរប្រកួត។

ចំពោះពូល E ក្រុម Liverpool កំពុងឈរលេខ១ក្នុងតារាងតែដាច់ពិន្ទុគ្នាមិនឆ្ងាយទេ។ បើ Liverpool ឈ្នះពួកគេនឹងបានសំបុត្រយន្តហោះទៅវគ្គបន្ត ហើយ Sevilla និង Spartak Moscow ត្រូវចាំអ៊ុតប្រកួតចុងក្រោយ។ ប្រកួតយប់នេះគឺ Spartak Moscow ប៉ះ Maribor ហើយ Sevilla ប៉ះ Liverpool។

ពូល F ក្រុម Manchester City ជាប់រួចទៅហើយសម្រាប់ការលេងវគ្គ១៦ក្រុមចុងក្រោយ ស្របពេល Shakhtar Donetsk មានភាគរយខ្ពស់ជាង SSC Napoli សម្រាប់តំណែងលេខ២។ ប្រកួតយប់នេះគឺ Manchester City ប៉ះ Feyenoord ហើយ SSC Napoli ប៉ះ Shakhtar Donetsk។

គូចុងក្រោយគឺពូល G ក្រុម Besiktas មានសង្ឃឹមខ្ពស់ជាងគេទៅវគ្គបន្ត ខណៈ FC Porto និង RasenBallsport Leipzig ក៏មិនទាន់អស់ឱកាសដណ្ដើមលេខ១ដែរ។ ប្រកួតយប់នេះគឺ Besiktas ប៉ះ FC Porto, Monaco ប៉ះ RasenBallsport Leipzig៕

Asensio ៖ ស្ថានភាពរបស់ Morata និងស្ថានរបស់ខ្ញុំខុសគ្នា ត្រង់ថា…

0 Comment

អេស្ប៉ាញ៖ យុវជនឆ្នើមរបស់ក្លិបយក្ស Real Madrid កីឡាករ Marco Asensio បានបង្ហើបពីអារម្មណ៍របស់ខ្លួន ចំពោះស្ថានភាពដែលរូបគេ មិនសូវបានបង្ហាញខ្លួនក្នុងប៉ុន្មានប្រកួតចុងក្រោយនេះ។
ដោយសារតែ Asensio មិនសូវបានចូលលេងច្រើន ទើបធ្វើឲ្យមានមតិពីអ្នកគាំទ្រជាច្រើន បានប្រៀបធៀបស្ថានភាពរបស់លោក ទៅនឹងកីឡាករ Alvaro Morata ដែលបានចាកចេញទៅក្លិបតោខៀវ Chelsea ដោយសារតែបញ្ហាមិនសូវបានបង្ហាញខ្លួននេះផងដែរ។
Asensio បានថ្លែងអំពីការប្រៀបធៀបនេះ នៅក្នុងសន្និសីទសារព័ត៌មានថា ស្ថានភាពរបស់លោកនិងស្ថានភាពរបស់កីឡាករ Morata មានភាពខុសគ្នា ត្រង់ថាខ្លួនលោកនៅក្មេង និងមានអាយុត្រឹមតែ ២១ឆ្នាំតែប៉ុណ្ណោះ។ ម្យ៉ាងលោកក៏តែងតែបានជាប់ជាជម្រើស ១១នាក់ដំបូងផងដែរ។
កីឡាករវ័យក្មេងរូបនេះ បានបន្តទៀតថា «ខ្ញុំនឹងព្យាយាមឲ្យកាន់តែខ្លាំង ដើម្បីសន្សំនាទីសម្រាប់លេង ឲ្យបានកាន់តែច្រើន នៅក្នុងការប្រកួតសំខាន់ៗ» ។
គួរបញ្ជាក់ផងដែរថា នៅម៉ោង ២និង៤៥នាទីរំលងអធ្រាតយប់នេះ ក្លិប Real Madrid នឹងធ្វើប្រកួតជាមួយក្រុម APOEL ក្នុងក្របខ័ណ្ឌ Champion League ដូច្នេះយើងចាំមើល មើលថាតើ Asensio នឹងអាចបង្ហាញទម្រង់ល្អប្រសើរដើម្បីទាមទារកន្លែងរបស់គាត់វិញបានឬក៏អត់នោះ៕

កីឡាករ Alvaro Morata កាលនៅលេងឲ្យក្លិប Real Madrid

កីឡាករ Marco Asensio និងកីឡាករ Alvaro Morata កាលនៅលេងជាមួយគ្នា

កីឡាករ Alvaro Morata និងក្លិបថ្មី Chelsea

Zidane៖ យើងដឹងមុនថា Ronaldo និង Benzema នឹងអាចរកគ្រាប់បាល់បាន

0 Comment

អេស្ប៉ាញ៖ បន្ទាប់ពីខកខានស៊ុតបញ្ចូលទីជាច្រើនប្រកួត ក្នុងនាមជាខែ្សប្រយុទ្ធ ពោលគឺកីឡាករ Benzema និង កីឡាករ Cristiano Ronaldo គ្រូបង្វឹករបស់ក្រុមអធិរាជស Real Madird លោក Zinedine Zidane បានដឹងមុនថា ខែ្សប្រយុទ្ធទាំង២ នឹងអាចរកគ្រាប់បាល់បញ្ចូលទីបានដូចដើមវិញ ក្រោយពួកគេទាំង២ រកបានម្នាក់ ២គ្រាប់ ក្នុងជ័យជម្នះទៅលើក្រុម APOEL ៦-០ កាលពីយប់មិញនេះ។
«ខ្ញុំពិតជារីករាយសម្រាប់ពួកគេ ហើយពួកគេនឹងបន្ដខិតខំបែបនេះទៀត» លោក Zidane និយាយទៅលើ Ronaldo និង Benzema ក្រោយពួកគេស៊ុតបញ្ចូលទីកាលពីយប់មិញ។
លោក Zidane បន្តថា «ពួកយើងដឹងមុនថា អ្នកទាំង២ នឹងស៊ុតបញ្ចូលទី។ ពួកយើងដឹងថា ពួកគេគឺជាកីឡាករដែលល្អសម្រាប់ក្រុមទាំងមូល ហើយពេលនេះអ្វីដែលពួកយើងត្រូវធើ្វ គឺការប្រកួតបន្ទាប់»។
បើក្រឡែកទៅមើលក្នុងលីកកំពូល La Liga របស់អេស្ប៉ាញ វិញ ទាំង Benzema និង Ronaldo ទើបស៊ុតបញ្ចូលទីបានចំនួន ម្នាក់១គ្រាប់ប៉ុណ្ណោះ ក្នុងការប្រកួត១២សប្ដាហ៍ កន្លងមកនេះ ធើ្វឲ្យក្រុម Real Madrid តាមពីក្រោយក្រុមគូប្រជែង Barcelona ដល់ទៅ ៨ពិន្ទុ៕

រំភើបណាស់មែនទេ? យប់នេះ ចិត្រា និង លីនី បានជួបគ្នាវិញហើយ (មានវីដេអូ)

0 Comment

ភ្នំពេញ៖ រឿងភាគខ្មែរដែលមានអ្នកទស្សនា និងទទួលបានការគាំទ្រយ៉ាងច្រើនរបស់ទូរទស្សន៍ហង្សមាស HDTV រឿង «សិសិររដូវក្នុងបេះដូង» បានមកដល់ភាគទី៩ ហើយ ក្នុងយប់នេះ។
បើតាមការទស្សនាឈុតខ្លីៗក្នុងភាគទី៩សម្រាប់យប់នេះ គឺតួឯកប្រុសស្រី ចិត្រា និង លីនី នឹងបានជួបគ្នាវិញហើយ បន្ទាប់ពីបែកគ្នាអស់ជាងដប់ឆ្នាំយ៉ាងគួរឲ្យអាណិត។
«សិសិររដូវក្នុងបេះដូង»នេះជារឿងភាគខ្មែរដំបូងហើយដែលផ្ទុះការគាំទ្រយ៉ាងខ្លាំងពីទស្សនិកជនទូទាំងប្រទេស៕
មកទស្សនា Preview ភាគទី៩ខាងក្រោមទាំងអស់គ្នា៖

មិនធម្មតា! ពេជ្រ សោភា ក្ដោបក្ដាប់បានតំណែងធំៗ ព្រមទាំងធ្វើជាទូតសុច្ឆន្ទៈ តំណាងឲ្យផលិតផលជាច្រើនទៀត!

0 Comment

(ភ្នំពេញ)៖ តារាចម្រៀង អ្នកនាង ពេជ្រ សោភា ត្រូវបានគេចាត់ទុក ជាតារាដ៏មានប្រជាប្រិយភាពមួយដួង ប្រចាំហង្សមាស ដែលទទួលបានការងារយ៉ាងពេញៗដៃ ជាពិសេសការថតស្ប៉តផ្សាយពាណិជ្ជកម្ម គេសង្កេតឃើញថា នាងតែងបង្ហាញខ្លួន ក្នុងឈុតផ្សព្វផ្សាយពាណិជ្ជកម្ម ស្ទើរតែគ្រប់ទីកន្លែង។ ជាក់ស្ដែង ថ្មីៗនេះ នាងបានក្ដោបក្ដាប់តំណែង ធ្វើជាទូតសុច្ឆន្ទៈ (Brand Ambassador) ឲ្យផលិតផលថែរក្សាស្បែក ឡេលាបខ្លួន Citra ដោយបានផ្សព្វផ្សាយពីវិធីថែរក្សា សម្រស់របស់នារីៗ តាមរយៈការសម្ដែង នៅក្នុងចម្រៀង «ស្រឡាញ់ត្រង់ណា?» ដែលមានលាយឡំជាមួយនឹងសាច់រឿងខ្លីៗ ទាក់ទាញចិត្តទស្សនិកជន យ៉ាងខ្លាំង។
ជាការពិត តារាចម្រៀងស្រីលំដាប់ជួរមុខហង្សមាស អ្នកនាង ពេជ្រ សោភា មួយរយៈចុងក្រោយមកនេះ ហាក់បីដូចជាឡើងកូដខ្លាំង ដោយក្រុមហ៊ុនធំៗជាច្រើន បានជ្រើសរើសយកអ្នកនាង ធ្វើជាអ្នកតំណាង ដើម្បីផ្សព្វផ្សាយស្លាកយីហោ ផលិតផលល្បីៗជាច្រើនប្រចាំប្រទេសកម្ពុជា ហើយថ្មីៗនេះ នាងក៏បានធ្វើជាអ្នកតំណាងឲ្យ ផលិតផលថែរក្សាស្បែក Citra ជាដើម។ បន្ថែមពីលើនេះ អ្នកនាង ពេជ្រ សោភា ក៏បានក្ដោបក្ដាប់ជាធ្វើជា ទូតសុច្ឆន្ទៈ ឲ្យទូរស័ព្ទដៃម៉ាកល្បី OPPO សាប៊ូកក់សក់ Sunsilk និងម្សៅស៊ុបខ្នុរ ផងដែរ។
មិនត្រឹមតែប៉ុណ្ណោះ តារាចម្រៀងស្រីកំពុងឡើងកូដ ខាងលើរូបនេះ ក៏បានធ្វើជាគណៈកម្មការ ក្នុងកម្មវិធីលំដាប់ថ្នាក់ពិភពលោក «The Voice Cambodia» ដែលជាកម្មវិធីប្រឡងចម្រៀងធំៗ លំដាប់ថ្នាក់ពិភពលោក ដែលកម្រនឹងមានតារាចម្រៀងរូបណា មានឱកាសបានកាន់តំណែង ជាគណកម្មការកម្មវិធីនេះណាស់។ ឆ្លងកាត់ការវិភាពសមត្ថភាព និងទេពកោសល្យជាង១០ឆ្នាំ របស់នាយកប្រតិបត្តិកម្មវិធី ជំរុញឲ្យតារាស្រីជួរមុខរូបនេះ មានឱកាសអាចកាន់តំណែង ជាគណកម្មការក្នុងកម្មវិធីល្បីល្បាញ មួយនេះ។
គួរបញ្ជាក់ថា អ្នកនាង ពេជ្រ សោភា បច្ចុប្បន្ននេះ មានការមមាញឹក នឹងការងារសិល្បៈយ៉ាងខ្លាំង ស្ទើរគ្មានពេលគ្រប់គ្រាន់ ដើម្បីមានពេលវេលាផ្ដល់ឲ្យគូស្នេហ៍ ប៉ុន្តែទោះជាយ៉ាងណា ក៏ស្រីស្អាតរូបនេះ នៅតែមានពេលគ្រប់គ្រាន់ ផ្ដល់ភាពផ្អែមល្ហែមដល់គូសង្សារសំណព្វចិត្ត គឺលោក ឆឹម សក្កដា ជានិច្ច៕

មិនធម្មតា! ពេជ្រ សោភា ក្ដោបក្ដាប់បានតំណែងធំៗ ព្រមទាំងធ្វើជាទូតសុឆ្ឆន្ទៈ តំណាងឲ្យផលិតផលជាច្រើនទៀត

ប្រភព : khmertalking

Drama love: Khmer News

Drama love

Bayern សងសឹក PSG បានសម្រេចមុនឡើងទៅវគ្គ១៦ក្រុម

បើជ្រុលបែកគ្នាជាមួយសង្សារហើយ កុំព្យាយាមចង់ធ្វើមិត្តវិញឲ្យសោះ

កូនភ្លោះស្រី របស់ស្រីលាភ ទើបតែកើតសោះ មានខ្ទង់ច្រមុះស្រួចប៉ុណ្ណឹងទៅហើយ!

ប្រញាប់រៀបការនៅវ័យក្មេងពេក នឹងអាចជួបវិបត្តិ៧យ៉ាង

ទម្លាប់អាក្រក់ទាំង ៦ ដែលធ្វើឱ្យអ្នកមានជំងឺផ្លូវចិត្ត

ចង់ដឹងដែរទេ? ក្រោយបញ្ចប់ការប្រកួត UCL សប្ដាហ៍នេះ ក្រុមណាខ្លះហើយ ដែលឆ្លងទៅកាន់វគ្គ១៦ក្រុមចុងក្រោយ?

មនុស្សប្រុសចង់បែក តែងតែមានលេសដ៏កំសត់ ៥ យ៉ាងនេះជានិច្

បើខាងប្រុសគ្មានសញ្ញា ៤ យ៉ាងនេះហើយ មិនបាច់រង់ចាំគេទេ រកអ្នកថ្មីទៅល្អជាង

Neymar៖ ទាល់តែខ្ញុំឈ្នះ Champions League និង World Cup សិនទើបរៀបការ

Dortmund ត្រូវការឈ្នះ Spurs នៅយប់នេះ តែសង្ឃឹមតិចសម្រាប់វគ្គ១៦ក្រុម

Asensio ៖ ស្ថានភាពរបស់ Morata និងស្ថានរបស់ខ្ញុំខុសគ្នា ត្រង់ថា…

Zidane៖ យើងដឹងមុនថា Ronaldo និង Benzema នឹងអាចរកគ្រាប់បាល់បាន

រំភើបណាស់មែនទេ? យប់នេះ ចិត្រា និង លីនី បានជួបគ្នាវិញហើយ (មានវីដេអូ)

មិនធម្មតា! ពេជ្រ សោភា ក្ដោបក្ដាប់បានតំណែងធំៗ ព្រមទាំងធ្វើជាទូតសុច្ឆន្ទៈ តំណាងឲ្យផលិតផលជាច្រើនទៀត!

Popular Posts

Search Blog

Social Media

Most Popular